Бібліятэчны квэст "Востраў скарбаў"
10.08.202010 жніўня ў нашай бібліятэцы адбылася непрыемнасць: грозны пірат Джон Сільвер выкраў бібліятэчныя скарбы.
На дапамогу прыйшлі вучні з 5-8 класаў. Дзеці адправіліся ў займальнае і небяспечнае падарожжа да Вострава скарбаў. Не збіцца з курсу юным мараплаўцам дапамагла пірацкая карта.
Дзеці здабывалі золата ў Пірацкіх пячорах і на Востраве галаваломак, сустрэліся з пачварамі Вострава ценяў, змагаліся з пірацкай флатыліяй ў Бухце патанулых караблёў.
На Востраве скарбаў рабяты сустрэліся з самім грозным піратам Джонам Сільверам і змаглі выменяць заробленыя піястры на куфар з выкрадзенымі бібліятэчнымі скарбамі.